Monday 5 April, 2010

ഈസ്റ്റര്‍



സാബത്തു കഴിഞ്ഞു
നിശീഥിനി തന്നിരുൾ
യാമങ്ങൾ കൊഴിഞ്ഞുവീണു
മണ്ണിൽ വീണു
മുളപൊട്ടി ജീവൽ-
ക്കിരണം പ്രകാശമായുണര്‍ന്നു!

മൂന്നുനാൾ മരണത്തിൻ
മടിയിലുറങ്ങി
വചനം തിരുമിഴി തുറന്നു
ആയിരം സൂര്യ-
പ്രഭാകിരണങ്ങളെ
വെല്ലും സൂര്യനുണര്‍ന്നു
മഹിയിൽ പിറന്ന
മഹോന്നതനേശു
മരണത്തെ ജയിച്ചുവന്നു
മാനവഹൃദയത്തിൽ
പ്രത്യാശതൻ നിത്യ
തേജസ്സായവനുണര്‍ന്നു
അവികലശോഭയാര്‍-
ന്നവനുയര്‍ന്നു നിത്യ-
വിജയത്തിൻ കൊടിയുയര്‍ന്നു!

മൃത്യുകവാടങ്ങൾ
ഭേദിച്ചുയര്‍ന്നൊരാ
വിദ്യുത്‌ലതികയെ നോക്കി
സര്‍വ്വപ്രപഞ്ചവും
കൈകൂപ്പി നിന്നു
വിണ്ണിൽ സ്തുതിഗീതമുയര്‍ന്നു!

Copyright © 2010 - rosebastin3.blogspot.com. All rights reserved except for the images.
Image Courtesy: here

1 comment: